Page 47 - KOZA_4_Web

45

Ticâret ve Zirâ’at Nezâreti

28442

Konya Vilâyeti Dâhilinde Vâki’ Olub Kadîmden Beri Emâneten İşlettirilmekte
Bulunan Boğa Dağı Nâmıyla Ma’rûf Altun ve Gümüş ve Ma’denindeki Ma’dencilerin
‘Alâkalarının Kat’ı Hakkında Kaleme Alınan Kanûn Lâyihasıdır.

Mâdde – 1 Boğa Dağı nâmıyla ma’rûf kurşunla mahlût altun ve gümüş ma’deninde
son on beş sene zarfında bir gûne i’mâlâtta bulunmamış olan ma’dencilerin hakk-ı
i’mâlleri sâkıttır.

Mâdde – 2 Son on beş sene zarfında ma’den-i mezbûrda i’mâlâtı mesbûk olan
ma’dencilere on beş sene zarfındaki ‘ameliyyâtlarının mutavassıtan te’mîn ettiği
menâfi’-i mecmû’unun sülüsüne mu’âdil tazmînât verilerek ma’den ile ‘alâkaları kat’
edilecektir.

Mâdde – 3 Tazmînât ahzına müstehak olub da ikrâzât-ı ‘atîkadan borcu bulunan
ma’dencilerin düyûn-ı ‘atîkası alacakları tazmînâttan bi’t-tenzîl bâkîsi kendilerine i’tâ
kılınacaktır.

İşbû kânûnun icrâsına Ticâret ve Zirâ’at Nezâreti me’mûrdur.
BOA. ŞD. 1248/9_12

kozaaltin.com.tr